Bashkëshortja dhe njëkohësisht agjentja e kapitenit zikaltër, Mauro Icardit deklaroi të hënën se Interi kishte tentuar të shesë sulmuesin te Juventusi verën e kaluar.
E menjëhershme ishte edhe përgjigja e Ausilios, që i cilësoi si “folkloristike” deklaratat e Wanda Narës dhe mohoi tentativën e Interit për të çuar Icardin te Juventusi.
Mbrëmjen e Krishtlindjes duket se u vendos paqja, pasi Wanda u shfaq në krah të Icardit, me veshje zikaltër, duke marrë vëmendjen e të pranishmëve.
Por gjatë ditës së sotme, në festën e 8-vjetorit të djalit të saj, Wanda “provokoi” sërish zikaltrit, pasi organizoi një festë me tollumbace bardhezi, ndërsa në të njëjtën ngjyrë ishte edhe torta e ditëlindjes.
Për më tepër, në tollumbacet bardhezi, Wanda Nara ka etiketuar edhe Georgina Rodriguezin, bashkëshorten e Cristiano Ronaldos, që aktualisht luan me Juventusin.
