Janë ndërprerë për të katërtën herë punimet në Parlament.Shkak është bërë këmbëngulja e deputetit demokrat Endri Hasa për të mos dalë nga salla e kuvendit. Ai goditi me vezë kryeministrin Rama dhe pasi situata u tensionua, Byroja e Kuvendit mori vendimin për ta përjashtuar dhjetë ditë nga punimet në Kuvend.
Kjo masë u lexua nga kryeparlamentari Gramoz Ruçi, por demokrati Hasa nuk ka lëvizuar nga vendi, duke refuzuar të dalë jashtë sallës.
Ndërsa edhe punonjësit e Gardës së Republikës nuk kanë ndërhyrë për ta nxjerrë forcërisht, pasi në bazë të rregullores presin një urdhër nga kreu e kuvendit.
