Një aksident i rëndë ka ndodhur mëngjesin e sotëm në fshatin Arrëz të Korçës, ndërsa një person ka humbur jetën. Burime pranë policisë bëjnë me dije se viktima ishte Luiza Dule, 48 vjeçe, mësuese.
Mësohet se në aksident është përfshirë një makinë, brenda të cilës udhëtonin 5 mësues.
Ata si për çdo ditë ishin nisur për në punë, drejt shkollës së fshatit Arrëz, por mjeti i tyre u përfshi në aksident. Deri më tani nuk dihen rrethanat e ngjarjes në fjalë si dhe identiteti i personave të përfshirë në aksident. Policia po heton shkaqet e aksidentit.
