Paraditen e sotme, gazetari Ylli Rakipi u paraqit në prokurori, ku dëshmoi për kërcënimet e marra në ditët e fundit.
Drejtuesi i emisionit ‘Të Paekspozuarit’, pyetur nga TV Klan u shpreh se se nuk është rastësi që kërcënimet vijnë pas publikimit të aferës korruptive të tenderit me vlerë 18 milionë euro, pasi aty janë të gjitha palët politike.
Rakipi nuk la pa shigjetuar edhe organin e akuzës, duke e cilësuar si të ngadaltë në veprime, ndërsa sqaroi se mesazhin e parë të drejtpërdrejtë të kërcënimit me jetë e ka marrë para pak ditësh, në postën elektronike të emisionit “Të Paekspozuarit”.
Gazetari shton se është përballur edhe me kërcënime verbale dhe se ka treguar gjithçka që di në polici, ku ka bërë denoncimin.
Presidenti Ilir Meta, Partia Demoktatike dhe Autoriteti i Mediave Audiovizive dënuan ashpër ngjarjen dhe kërkuan që autorët të vihen sa më shpejt para drejtësisë.
