Roberto Soriano i’a ka parë sherrin dy pëlqimeve në rrjetin social “Instagram”, teksa është dënuar nga klubi i tij Torino.
Ai është dënuar nga klubi i tij për shkak se kishte pëlqyer dy publikimet e fundit të Cristiano Ronaldos dhe Paolo Dybalas pas ndeshjes derbi ndërmjet Torinos dhe Juventusit, të cilin e kishin fituar bardhezinjtë me rezultat 0-1.
Ai është suspenduar nga klubi torinez me gjithë presionin e tifozëve të cilët nuk e kanë kapërdirë aspak mirë këtë veprim të futbollistit të tyre, kur dihet rivaliteti i madh që kanë Torino dhe Juventus mes tyre.
Lajmin për suspendimin e tij e ka publikuar e përditshmja italiane “Gazzeta Dello Sport”.
