Politikanët në “ethe”, deputeti gjeman kërkon fillimin e procedimeve penale

Vettingu në Politikë, propozim i opozitës shqiptare dhe mbështetur nga Komisioni i Venecias, është komentuar në një deklaratë për mediat nga deputeti i Bundestag-ut gjerman, Andreas Lammel.

Në një deklaratë për mediat, Lammel u shpreh se në vendin tonë ligjet në Kuvendin tonë miratohen, por më pas nuk zbatohen.

Kjo sipas tij nuk duhet të ndodhë me vettingun në politikë, por menjëherë pas nisjes së tij të fillojë procedimi penal.

Ndër të tjera deputeti Andreas Lammel shprehet:

Ligjet që miratohen në Kuvendin tuaj nuk gjejnë shpesh zbatim. Pas miratimit ato nuk vihen në praktikë. Ndaj sugjerimi im është që këtë herë të mos ndodhë kështu. Duhet me patjetër që pas vettingut të fillojë procedimi penal. Komisioni i Venecias mbështeti vettingun në politikë, ndaj është e rëndësishme që projekt-ligji i propozuar nga opozita shqiptare të zhvillohet me një rëndësi të madhe dhe sa më shpejt që të jetë e mundur në Parlament.