Në mbledhjen e sotme të Komisionit të Ekonomisë u shqyrtua edhe kandidatura e Ridvan Bodes për Këshillin Mbikëqyrës të Bankës së Shqipërisë.
Bode, i cili ishte i pranishëm në komision dha se do të japë kontributin e tij për BSH, duke theksuar se ftesën për anëtar të Këshillit Mbikëqyrës e ka marrë jashtë çdo ndikimi politike.
Bode: Me eksperiencën time dhe formimin tim do të kontribuoj në një debat konstruktiv për të përmbushur të gjithë detyrimet ligjore që ka BSH. Me bordin e ri dhe debatin që do të zhvillohet brenda do mund të marrim një përgjigje pozitive. Të gjithë kemi çmuar punën e BSH unë mendoj që jo vetëm eksperienca ime do kontribuojë në një debat të dobishëm. Unë e marr ftesën i zhveshur nga të gjithë ngarkesat politike dhe do kontribuoj, do te jem besnik.
Bode u propozua nga kryeministri Edi Rama, për anëtar të Këshillit Mbikëqyrës të Bankës së Shqipërisë.
