Kryeministri Rama mbajti një takim tek fakulteti i Gjeologji Minierave pasditen e sotme prej dy orësh pa praninë e medive, por siç duket pas lajmeve që kanë qarkulluar në rrjetet sociale se ai nuk ishte një takim me studentë por thjeshtë me pedagogë, ai ka vendosur të pulikojë në ERTV takimin e zhvilluar.
“Pse nuk plotësohen pa komunikim, se nuk merremi vesh se kujt i themi e plortësuar”, u shpreh Rama duke artikuluar atë që ka thënë edhe më parë se disa nga pikat si rritja me 5% e buxhetit për arsimin është e parealizueshme.
“ERTV Live: Sonte tek Gjeologjiku – Me pedagogë e studentë, në një “nxemje” për Dialogun e pashmangshëm, i cili po nis mes ngurrimesh të mëdha e frikërash të çuditshme, në një atmosferë thuajse surreale ku mijëra e mijëra vetë, u druhen sa presioneve online të pakicës që s’do Dialog dhe sa bashkëbisedimit me një njeri të vetëm
Shumë faleminderit sidoqoftë secilit prej atyre që me praninë në sallë, e thyen pa kthim akullin e Mosdialogut. Nesër të tjerë”, shkruan Rama në ‘Facebook’ ndërsa ka publikuar ‘live-n’ e videos nga takimi.
Duke u munduar që t’i bindë në dialog, Rama iu referua edhe protestës së studentëve të dhjetorit në vitin 1990. Ai tha se ata që u ulën në dialog u quajtën heronj, jo tradhtar.
“Mund të rrini dy vjet atje, çfarë do fitoni, ndërkohë që unë jam I interesuar që jo vetëm të zgjidhet por të shkojë më larg se kaq, të mos themi nesër jo se e patëm kështu, por na doli kështu.
Ku është dëgjuar të mos dëgjoni, ne dolëm në protestë kundër një regjimi dhe qëllimi ishte se si të ulemi në tavolinë me regjimin, dhe jo vetëm që nuk tha kush që u bënë tradhëtar por ata që folën u bënë heronj. Por kjo mos fol është çmenduri, bllokon rrugën, e bllokon rrugën mor zotëri kur nuk më dëgjon kush dhe po çmendem, por jo kështu”
“Këto kamerat këtu nuk janë për t’ju nxjerrë në televizor nëse s’doni”, shtoi kryeministri. (B.H/Faxweb)
