Nga Boldnews.al
Kryeministri Edi Rama sulmon lëvizjen e studentëve për bllokimin e rrugëve dhe tenton të ta kthejë në partiake protestën e tyre.
“A mund t’ju pyes juve që ju mësojnë Doktorresha dhe Artisti të bllokoni rrugët e qytetit e dyert e fakulteteve, ndërkohë që mbani bllokuar rrugën e Dialogut, duke iu hedhur në fyt me sharje e akuza atyre që duan Dialog: Po çfarë borxhi ju kanë juve qytetarët e studentët e tjerë”, shkruan kreu i qeverisë në postim në Twitter.
Kujtojnë se vendimi për të përshkallëzuar protestën me bllokim rrugës, ka qenë një vendim i studentëve i marrë në sheshin para Kryeministrisë, ku një protestë masive u zhvillua ditën e sotme.
Prej kohësh tashmë, Rama injoron kërkesat e studentëve duke mos i plotësuar. Ai kërkon dialog, gjë që refuzohet kategorikisht nga studentët. Këta të fundit janë shprehur se janë pro dialogut me Ramën, por vetëm pasi të plotësojë 8 kërkesat.
