Zbardhen detaje nga diskutimet në grupin parlamentar të Partisë Socialiste, i cili u mblodh mëngjesin e sotëm.
Këtë javë pritet që të dy seanca në Kuvend, të enjten nismat e tjera si dhe do rrëzohet dekreti i Metës për buxhetin, ndërsa të premten seancë e posacme vetëm për Vettingun në politikë.
Seanca e së premtes pritet që të rikthejë në Kuvend dhe opozitën, e cila vijon bojkotin prej gjashtë muajsh, duke bërë që mandatet e tyre të shpëtohen.
Burime nga grupi bëjnë me dije se deputeti Pjerin Ndreu ka pasur ankesa për pjesëmarrjen e ministrave në komisione.
Ndreu: Duhet që me ministrat të koordinohemi. Kemi marrëveshje e llogaridhënies.
Ndërkohë që Ndreu është mbështetur dhe nga Rama, i cili është shprehur: Pjerini ka të drejtë, ministrat shkojnë në komision si Mona në dasmë.
Pjerin Ndreu: Vijnë në komision dhe debatohet kundërshtohet. E personalizojnëdebatin, ju ngel hatri. Bëjnë komente pa lidhje. Ne jemi aty si ekspertë të fushës.
Edi Rama: Ke të drejtë. Por jo dhe shumë. Megjithatë, të isha unë nuk i miratoja pa koordinim
