Pavarësisht temperaturave dhe reshjeve të shiut, protesta e studentëve do të vijojë sot në ditën e saj të 12-të. Grumbullimi para kryeministrisë pritet të nisë në orë 11:00. Ndërkohë që nga nesër pritet një përshkallëzim i protestës, ndërsa që të marrin pjesë ftohen dhe qytetarët.
Studentët e bashkuar këmbëngulin në realizimin e 8 kërkesave pa dialog me kryeministrin. Ndërkohë që ata i janë përgjigjur negativisht thirrjes së partive politike për të qenë në protestë.
Kështu Universiteti.info që është një nga faqet më aktive në rrjetet sociale ka bërë thirrje që në protestën e sotme të ketë pankarta kundër përfshirjes së partive politike në protestë.
Dje ishte kryetarja e LSI-së Monika Kryemadhi, ajo që iu bëri thirrje përkrahësve të kësaj force politike t’iu bashkoheshin studentëve.
“Këtë mësim të madh që studentët shqiptarë ia dhanë politikës, ne nuk duhet ta humbasim, por duhet ta bëjmë tonën, mënyrë të tillë që të kemi forcën, të kemi guximin, të kemi zemrën e atyre studentëve, të përballemi me këtë të keqe kaq të madhe.
Sot unë kam qenë në Durrës, në Kavajë, kam pasur disa takime të tjera. Nesër përsëri do të vazhdoj në Korçë, Pogradec, Përrenjas, Elbasan e kudo, jo për ti bërë thirrje shqiptarëve. Por do dal për ti bërë thirrje të gjithë anëtarëve të LSI kudo që janë, të harrojnë kartën e partisë dhe të marrin flamurin kombëtar për tu bashkuar të hënën me studentët”, tha dje Kryemadhi.
Si pritet të jetë protesta e së hënës: