Nga Boldnews.al
Kur mijëra studentë bllokuan Ministrinë e Arsimit, kryeministri Edi Rama nga zyra e tij e ndjeu veten në grahmat e fundit të pushtetit. I ra “thelbi” i qeverisjes që për të është propaganda, (piari), afishimi i një Shqipërie virtuale, që zhvillimin e konceptonte me videot 3D në kokën e kryeqeveritarit. Studentët po e luftonin me armën e tij, me meme e parulla ironike, batuta që shembnin mitin Rama dhe frymën tallëse të një qeverisje po aq qesharake.
Protesta në dukje po sfumohet, fryma ka mbetur, por Rama përdori metoda çarëse e përçarëse, trysnie e vëtofrimi, pranimi dhe qasje. Fillimisht për të fituar kohë, e më pas për të venitur një revfoltë që është shumë më e madhe se disa kërkesa ekonomike. Rama ndezi makinerinë e tij të propagandës, duke qëmtuar emër për emër çdo personazh student që artikolohej publikisht kundër qeverisjes dhe këmbënguljes për plotësimin e tetë kërkesave.
Për të, kryesore ishte çarja e protestës masive, duke ofruar dialogun me studentët. Arriti deri në atë pikë sa me stilin e një “kllouni” të veshur me kostum kryeministri, lëshonte mesazhe flirti në këmbim të dialogut.
Kryeministri nuk “luftoi” vetëm në pjesën vituale që aq shumë e dëshiron, por sulmoi studentët me krahëmarrje. Po tenton t’i armiqësojë studentët me stafin pedagogjik, (që edhe ata mbajnë mëkatin e tyre përballë të rinjve të revoltuar), por është shumë herë më i vogël se ai i kryeministrit. Po denigron rektorë e dekanë, gjithashtu FRESH-istët e tij si “grupi i gatshëm” janë në terren për të çmontuar protestën, për t’i dhënë asaj konotacion politik.
Rama nuk e pati problem që disa FRESH-istë të tij ti merrte si “Pionerët e Enverit” për t’i përdorur në një show publik, që edhe emrin e kishte “Top Show”. Disa adoleshentë të trembur që ankoheshin se po i masakronin në rrjetet sociale, ata herë shtireshin si studentë “të lirë” e herë si partiakë që po mbronin shefin e tyre në ditë të vështira. Beteja e Ramës nëpër studio televizive, duke u lutur që ta ftonin dhe pse jo rritur “tarifën” për maniatët e mediave vizive, pati anën e saj të flirtit, por vetëm me oligarkët, nuk mundi të trulloste mendjet e protestuesve. Rama provoi…
Teksa poshtë zyrës së tij studentët nuk e shuan frymën e protestës, kryeministri urdhëroi policë me uniform që tu “sekuestronin” edhe drutë e zjarrit për tu ngrohur, tu kontrollonin atë pjatë supë që u sillnin qytetarët. Frymë terrori gjatë natës dhe dashamirës e “babaxhan” në facebook gjatë ditës. Mohoi se janë proceduar penalisht 25 protestues, mes tyre edhe profesori Edmond Tupe dhe artisti Robert Aliaj, por faktet e tradhëtuan kur vetë policia shpërndau për mediat njoftimin e nisjes së procedimit penal.
Shantazhi i hapur, më pas flirti…, apo mohimi edhe i së dukshmes ishin pjesë e mendjes së trazuar të kryeministrit që në pamje të parë ngjan se e përçau protestën, të paktën për nga numri.
Gjithsesi betejën ende e ka të humbur ku fryma e revoltës, për më tepër e lindur nga mijëra studentë në mbarë vendin nuk mund të fiket as me propagandën e dalë boje që organizohet nga Fuk(g)sat e tij. Një tjetër revoltë e madhe e dalë vëtishëm, pa organizim politik e ndikim partiak nga ana e studentëve do ishte funeral politik i kryeministrit. Ai deri më tani ka “fituar” betejën me studio televizive ku janë të ftuar analistë, por lufta është në tjetër vend, përballë studentëve që i kanë vendosur distancën: “Prano tetë kërkesat, nuk ka dialog”.
Një sjellje e goditur dhe mjaft efikase nga ana e studentëve, që ia kanë bërë të qartë se nuk mund të bëjnë dialog me një kryeministër që tenton të blejë përfaqësitë, që nëse nuk i blen ka gati shantazhin, e nëse edhe ajo nuk funksionon, ka gati “grupin e gatshëm” të FRESH-istëve që me teserën e partisë në xhep dhe me maskimin si studentë po i japin dorën për herë të fundit idhullit të tyre.
Kryeministër…! Fitove pak kohën, por luftën me studentët e më pas me gjithë shoqërinë jo politike, e ke të humbur ende pa nisur. Këtë herë as televizionet sado që i kanë hapur dyert nuk e ndihmojnë në kaosin e tij. I ka mbetur vetëm të postojë “foto flirti” në facebook, që e shumta marrin disa like nga administrata dhe “pionierët e partisë”.
