Ish-rektori i Universitetit të Tiranës, Shezai Rrokaj ka denoncuar përmes një statusi në FB vendimet e qeverisë për tu dhënë të drejta studimi fëmijëve të punësuar në administratë në 300 universitetet më të mira në botë, ndryshe nga ç’parashikon ligji për studentët e tjerë ekselentë.
“Ca të nënës dhe ca të njerkës”, thotë Rrokaj pas lajmeve të përhapur së fundmi në media ku denoncohet se bursat e studimit në universitetet më të mira në botë, paguar nga shteti shqiptar shkojnë më së shumti për fëmijë politikanësh majtas dhe djathtas si dhe drejtuesve të medias.
Statusi i plotë:
Shezai Rrokaj: Ae dinë studentët ekselentë se me fondet e tyre përfitonte administrata e partisë për studime jashtë vendit? Ja çfarë ka ndodhur: VKM-ja e kësaj Qeverie ka diskriminuar studentët për studime jashtë, pasi për studentët mbështetja financiare jepej prej Ministrisë së Arsimit vetëm për 15 universitetet më të mira në botë, kurse administrata mund të përfitonte mbështetje financiare në 300 universitetet më të mira në botë. Pra, me fondet e tyre të arsimit studentët janë parë si të njerkës, kurse administrata është parë si e nënës (Parti). Jo vetëm iu merren fondet duke ia kaluar administratës, por edhe janë diskriminuar në krahasim me të.