Studentët janë ndarë në dy grupe në ditën e shtatë të protestës. Një pjesë e mirë e tyre kanë marshuar në këmbë, pas skadimit të afatit për qeverinë (ora 16:00), drejt “Zogut të Zi” ku kanë bllokuar trafikun. Ata nuk lejojnë kalimin e asnjë automjeti në një prej arterieve kryesore në hyrje të Tiranës.
(Protesta e studentëve te “Zogu i Zi”)
Pjesa tjetër e studentëve vijon të protestojë përpara Ministrisë së Arsimit në “Rrugën e Durrësit”. Ata kanë paralajmëruar se nuk kanë ndërmend të tërhiqen nga kërkesat e tyre. Studentët i kërkojnë qeverisë plotësimin e tetë kërkesave, ndërsa nuk pranojnë negociata apo edhe dialog. Kërkesat e tyre janë parashtruar prej ditësh dhe nuk ka asnjë nevojë për negociim.
(Protesta e studentëve të tjerë te Ministria e Arsimit)
