Në ditën e 7-të të protestës, pas mbarimit të afatit për kryeministrin, Edi Rama, studentët jo vetëm kanë bllokuar “Zogun e Zi” siç kishin paralajmëruar më herët, por edhe kanë marrë rolin e ‘policisë’.
Në një foto të publikuar nga LSA, duken disa të rinj teksa po i vendosin si gjobë, një shifër marramendëse me shumë zero, dy makinave të policisë.
“Pranoni kërkesat se i thirra kuksianët”, shkruhet në një nga parullat ngjitur njërës prej makinave të policisë.
Kujtojmë se studentët prej disa ditësh janë ngritur në protestë, përmes të cilës kërkojnë plotësimin e 8 kërkesave të tyre.
