Krahas protestave të përditshme prej një jave të studentëve të cilët kanë paralizuar Qeverinë dhe atyre të fermerëve për çmimin e naftës që u zhvilluan sot pasdite në Shkodër, Vau i Dejës dhe Kavajë, edhe fundjava do ta gjejë vendin në këmbë.
Në rrjetet sociale ka nisur organizimi i dy protestave radhazi në datën 15 dhjetor ora 11:00 dhe 16 dhjetor ora 14:00. Të dyja protestat do zhvillohen te Sheshi “Shqiponja”. Motoja e protestës është sërish ulja e çmimit të naftës.
Gradualisht vendi po shkon drejt revoltës kombëtare të shkaktuar nga keqqeverisja dhe vjedhja galopante e pushtetarëve. Në pesë vite papunësia dhe varfëria kanë arritur shifra ekstreme, ndërsa janë pasuruar pafund qeveritarët.
Shtëpitë dhe pronat e shqiptarëve rrënohen me një të rënë të lapsit dhe askush nuk mban përgjegjësi, ndërsa kryeministri dhe mafia e tij në pushtet sodisin nga kolltukët e luksit mejhanen që kanë servirur te masat e gjëra të popullsisë.
Por tani Jo më. Padrejtësia siç duket do marrë fund dhe mëkatarët duhet të paguajnë shtrenjtë për çdo abuzim në 5 vitet e pushtetit më skandaloz që ka njohur ndonjëherë Shqipëria.
