Gjatë ditës së sotme protestës së studentëve i janë bashkuar edhe gjimnazistët. Njëri prej tyre tha se kërkesa që e përfaqëson është ulja e tarifave.
“Unë s’jam student, por vij për ti mbështetur deri në fund“, tha një gjimnazist.
Protesta e studentëve ka rënë në sy edhe për kreativitetin e përdorur përmes pankartave dhe shkrimeve.
Pjesa më e madhe e pankartave kanë shkrime ne nota mbështetje, ku studentët i japin forcë njëri-tjetrit që të mos tërhiqen.
“Qëndro edhe pse është e vështirë dhe e di që do të sulmojnë, pa faj të të sakatojnë, por prap po të lutem, qëndro”
“Unë ti, të gjithë ne mundemi, çohu dhe mos guxo të dorëzohesh”, janë disa nga shkrimet që u panë sot gjatë protestës.
Sarkazma nuk ka munguar, teksa në protestë është parë edhe shprehja “Mjaft më me: Bëjë shkollën ta kesh se punë vështirë të gjesh”.
