Një vajzë rrëfente, përmes portalit Whimn, eksperiencën e tmerrshme që kishte përjetuar ditën që duhet të ishte më e bukura në jetën e saj.
Pak momente para se të ecte drejt altarit, mori një lajm që do ndryshonte perspektivën mbi burrin me të cilin do martohej dhe marrëdhënien e tyre.
Ndërkohë që ajo po festonte natën e fundi të beqarisë me shoqet e saj më të mira, mori mesazh nga një numër i panjohur, i cili shkruante: “Unë nuk do martohesha me të, apo jo?”
Ky mesazh shoqërohej me foto që tregonin të fejuarin e saj me një grua tjetër dhe mesazhet që kishin shkëmbyer.
“Nuk rresht dot së menduari për ty. Nuk kisha ndjerë një lidhje të tillë me askënd tjetër.”
“Trupi yt është fantastik dhe ti di si ta përdorësh. Dua që e fejuara ime të ketë gjysmën e aftësive të tua.”
Teksa ndihej e tradhëtuar, nusja shpërtheu në lot dhe mikeshat e saj e këshilluan të anulonte dasmën, por ajo pati një ide më të mirë:
Ditën pasardhëse, teksa ecte drejt altarit me fustanin e nusërisë dhe celularin në dorë, doli para të ftuarve dhe tha:
“Sot nuk do ketë dasëm, i fejuari im nuk është ai që mendoja”
Më pas, nisi të lexojë të gjithë mesazhet që kishte marrë duke surprizuar të gjithë të pranishmit dhe mbi të gjitha të fejuarin e saj, i cili vrapoi jashtë kishës, teksa të ftuarit duartrokitën kurajon e vajzës.
