Është publikuar një video e re që tregon momentin e mbërritjes në Aeroportin e Rinasit të mikut të veçantë të çiftit ministror Damian dhe Rovena Gjiknuri, gurusë indian, Paramahamsa Vishewanda.
Siç mund të shihni në videon e mëposhtme, guruja indian është pritur me një ceremoni të çmendur dhe skandaloze, ku shumë presona, madje dhe vetë bashkëshortja e ministrit, përulen para tij dhe i puthin këmbët. Gjithë ceremonia është orkestruar nga gruaja e Gjiknurit, e cila pret mikun e shtrenjtë me këngë e valle, e puthje ‘të zjarrta’ këmbësh. Pasagjerët e aeroportit te Rinasit kanë qenë dëshmitarë të kësaj ngjarjeje sa qesharake, aq dhe skandaloze.
Në shumë shkrime në median e huaj, guruaja indian herë cilësohet si delirant që thotë se është i dërguar i zotit dhe herë si një mashtrues i klasit të lartë, që u vjedh paratë “besimtarëve” të zgjedhur nga shtresat e pasura të vendeve ku udhëton.
Sot ky lider fetar që ka specialitet “bërjen e nuskave” ndodhet në Shqipëri dhe është pritur në Rinas me një ceremoni të “denjë” për një baba “shpirtëror”. Në video mund të shihni skenat komike, ku qytetarë shqiptarë me veshje popullore ulen dhe i puthin këmbët, si dhe këndojnë këngë indiane.
Emri i indianit Paramahamsa Vishewanda është i lidhur ngushtë me familjen e ministrit të Transporteve, Damian Gjiknuri. Ministri së bashku me bashkëshorten e tij, Rovena janë ithtar të sektit që drejtohet nga indiani.
Vlen të theksojmë se në Indi dhe disa vende të tjera, ky lider shpirtëror dhe organizata që ai drejton është vënë nën hetim për mashtrim dhe vjedhje të anëtarëve të tij. Në Tiranë ky sekt ka dhe një qendër ku kryen rite fetare të paqarta. Zyrtarisht flitet për muzikë spirutale dhe seanca të pastrimit të shpirtit.
Ka qenë blogeri i njohur, Olti Curri, që ka shpërndarë në profilin e tij Instagram videon mjaft interesante, teska shikohet sesi ai pritet ne Rinas.
Ja çfare shkruan Olti Curri
Skene e rralle ne nje aeroport shqiptar.Nje guru i njohur indian eshte xhiruar nga pasagjeret e ndodhur aty, teksa mberrin ne Aeroportin e Tiranes. Ai quhet Paramahamsa Vishëandanda dhe ja si e presin besimtaret e sektit te tij qe duket se po shtohen ndjeshem ne vendin tone…
(Me rreth të kuq bashkëshortja e ministrit Damian Gjiknurit, teksa përulet për t’i puthur këmbët gurusë indian)
