Krusita ka rënë në sy jo vetëm për talentin që e ka shfaqur më së miri me baladën “Akull” me të cilën konkurron në “Kënga Magjike”, por këngëtarja është komentuar shumë edhe për jetën private.
Pak ditë më parë u përhap me shpejtësi një lajm sipas të cilit Krusita dhe kantautori Kledi Bahiti janë në një lidhje.
Dyshja janë parë shpesh në shoqërinë e njëri-tjetrit e madje Kledi e ka shoqëruar Krusitën edhe gjatë provave të ”Këngës Magjike”.
Krusita ka folur për herë të parë lidhur me këtë në emisionin “Thumb”. Këngëtarja është shprehur se me Kledin ka vetëm marrëdhënie miqësore dhe asgjë më shumë.
“Janë thashetheme, nuk janë të vërteta. Ne kemi marrëdhënie miqësore përveç asaj të punës. Duke qenë se është kompozitor i këngës do të vijë në prova, nuk vjen vetëm për mua por për të gjitha këngët që ka bërë, kështu që rrini rehat”, është shprehur Krusita.
