Protesta e studentëve kundër rritjes së tarifave ka evidentuar faktin se sa shumë duhet të paguajnë prindërit për shkollimin e fëmijëve të tyre, krahasuar me vendet europiane.
Statistikat tregojnë se një studenti në Shqipëri i duhet të paguajë shumë-herë më shume [deri ne 2000 euro per ciklin e plote te studimeve] se një koleg në Gjermani, i cili e ka tarifën zero.
Pa harruar këtu, se rrogat në shtetin perëndimor janë 8 herë më të larta, transporti publik është falas, pagesa e konviktit është më e ulët, rreth 300 euro krahasuar me 400 që duhen paguar në Shqipëri.
Studentët, sakaq kanë paralajmëruar se nuk do të tërhiqen deri deri në momentin e plotësim kërkesave të tyre nga Ministria e Arsimit:
- Përgjysmim i tarifës së studimi
- Rritja nga 10% në 50% e peshës totale të votës së studentëve për të zgjedhur kandidatët për dekan/rekor dhe rritja e përfaqësisë së studentëve në senatin akademik me 20%.
- Mbështetur në nenin 99 mbi Këshillet Studentore, Ligji i Arsimit të Lartë pika 2 kërkojmë që Bordi i Administrimit të IAL-ve të ketë numër të barabartë votash si nga Ministria e Arsimit dhe Sportit dhe IAL-të dhe të shtohet një përfaqësues në këtë bord nga studentët.
- Mbështetje e studentëve për kërkime shkencore.
- Mbështetje e studentëve të doktoraturës me fonde për kërkimin shkencor.
- Përmirësim i kushteve të konvikteve të Universiteteve.
- Dyfishim i buxhetit për arsimin e lartë.
- Pajisja e të gjithë studentëve me kartën e Studentit brenda vitit akademik 2018-2019.
