Në një kohë që rrugët e Tiranës janë tejmbushur me studentë të revoltuar, pedagogu Romeo Hanxhari, që jep leksione në Fakultetit Juridik ka dalë sot në mbështetje të tyre.
Ai thotë se pamja e auditorit bosh është një nga më emocionueset, ndërsa shton se vetë ai do të jepte edhe jetën për lirinë e tyre. Hanxhari thotë se pamja e sotme e studentëve, ishte më e bukura në 27 viteve të tij si pedagog.
Reagimi i Pedagogut Hanxhari:
“Auditoret bosh dhe oborri i Fakultetit që vlon nga zëri i fortë i studentëve të revoltuar, është pamja më emocionuese që mund të shohë një njeri i dashuruar me lirinë dhe dinjitetin. I falenderova studentet e Fakultetit tonë që më dhanë fjalën me megafon tani në oborr.
U thashë studentëve tanë të mrekullueshem qe ajo pamje ishte pamja me e bukur e oborrit që prej 27 vjetesh kur kam filluar pedagog.
U thashe atyre qe “une s’mund t’ju them hapur të lini mësimin, por po ju perseris një shprehje të madhe të një njeriu të madh e cila tregon hierarkinë e sakrificës: “për dashurine jap edhe jetën, por për lirine jap edhe dashurinë”. Tani dhe më vone në jetën tuaj ndihuni të lirë të zevendesoni cdo fjale tjetër në këtë shprehje, u thashë, por mos e zëvendësoni kurre fjalën LIRI!”.
