Tensione mes policisë dhe banorëve ka pasur ditën e sotme në zonën e Laprakës. Punonjës të IKMT-së kanë nisur shembjet e banesave të cilat preken nga zbatimi i projektit të Unazës së madhe.
Banorët e një shtëpie dy katëshe pranë rrethrrotullimit të Doganës kanë bërë rezistencë. Ata kanë kundërshtuar shembjen e shtëpisë dhe për rrjedhojë familja 7 anëtarëshe është ngujuar brenda.
Banorët thonë se nuk janë njoftuar për shembjet e banesave. Në vendngjarje ndodhen dhe deputetë të opozitës në mbështetje të banorëve.
