Një aksident i rëndë është regjistuar në aksin Korçë-Pogradec në afërsi të fshatit Vashtemi. Sipas policisë një automjet ka aksidentuar dy kalimtarë.
Si pasojë e aksidentit kanë ndërruar jetë burrë e grua.
Njoftimi i policisë:
Maliq
Informacion paraprak.
Më datë 04.12.2018, në orën 17:26, jemi njoftuar se në aksin rrugor Korçë-Maliq, në afërsi të fshatit Pocestë, shtetasi S.N, 63 vjeç, duke drejtuar mjetin tip “Benz” ka aksidentuar 2 shtetas, (një burrë dhe një grua) kalimtarë në rrugë, të cilët janë trasportuar në Spitalin e Korçës ku kanë ndërruar jetë.
Drejtuesi i mjetit, ndodhet i shoqëruar në Komisariat për veprime të mëtejshme proceduriale.
Grupi hetimor po punon për zbardhjen e rrethanave të ngjarjes.
