Kosova ndodhet në një përplasje të ashër me Serbinë, ndaj të cilës ka vendosur taksë 100% për të gjitha produktet. Ndërkohë, disa shtete të BE-së kanë dalë kundër liberalizimit të vizave, çka ka shkaktuar zemërim në Prishtinë.
Në këto kushte të vështira diplomatike, Ministria e Jashtme e Kosovës ka përkujtuar 100 vjetorin e krijimit të Mbretërisë së Jugosllavisë, ku shqiptarët u trajtuan si qytetarë të dorës së dytë. Duke theksuar se shqiptarët nuk do të bëhen kurrë më pjesë e një organizimi të tillë shtetëror, që përfshinte kombet sllave të Ballkanit, Ministria e Jashtme e konsideron ri-pushtim 1 dhjetorin e 1918-ës.
“Në 100 vjetorin e krijimit të Mbretërisë së Jugosllavisë, ne në Kosoë kujtojmë ri-pushtimin e Kosovës dhe përfshirjen e pavullnetshme në Mbretërinë që shtypte njerëzit e Kosovës. Ajo çoi në dëbimin dhe spastrimin e mijëra kosovarëve. Kurrë më”, shkruhet në faqen zyrtare në ‘Twitter’ të Ministrisë së Jashtme të Kosovës.
Kosova ishte njësi autonome brenda Jugosllavisë, e cila përbëhej nga Serbia, Kroacia, Maqedonia, Mali i Zi, Sllovenia dhe Bosnje-Hercegovina.
