Pedagogia në universitetin e Bolonjës, e cila ka qenë mandatin e kaluar edhe deputete e Partisë Socialiste, Ledi Shamku, nëpërmjet një statusi në rrjete sociale i është kundërpërgjigjur ministrin të Brendshëm italian Matetteo Salvini, pas pubikimit prej tij të një letre kërcënuese, që ai pretendon se ka marrë nga tre shqiptarë anonimë.
Publikimin e letrës në llogarinë e tij në Twitter, Salvini e shoqëronte me një koment ironik duke theksuar se kërcënimi më i madh nuk kishte të bënte me jetën e tij, por për gramatikën italiane të cilën shqiptarët nuk kanë për ta përvetësuar kurrë.
“Një shqiptar i zemëruar nuk do të kishte shkruar “derr me brirë”. Jo i dashur, këto nuk janë shprehjet tona lokale, metafora “derr me brirë” nuk është shqiptare, nuk është pjesë e gjuhës sonë. Kjo letër është shumë italiane, i dashur”, kundërpërgjigjet Shamku.
Në fund të postimit-këshillë, ish-deputetja thotë, se kjo letër sado e shkruar keq nuk mund të ndikojë tek marrëdhëniet Shqipëri-Itali.
“Nuk do të jetë një letër e botuar në mënyrë të papërgjegjshme për të shqetësuar një bashkëjetesë prej dy mijë vjetësh dhe kalon mes dy popujve. Jo definitivisht! Unë do t’ju këshilloja të lexoni pak më shumë rreth Sociolinguistikës. Është një disiplinë që e bën njeriun më të mirë se sa është”, shkruan Shamku.
