Nga Boldnews.al
*************************
Një dokument i siguruar nga “Boldnews.al” konfirmon faktin se Kujtim Qefalia, ish-drejtues i komunës dhe sot NjësisëAdministrative Dajt ka kaluar në mënyrë fiktive tek shtetasi Ylber Kalaja aksionet e tij tek kompania “Vllaznimi” (sot Dajti Park 2007), shoqëri e cila ka fituar miliona euro tendera gjatëqeverisjes socialiste, si edhe të paktën gjysëm miliardi lekë nga Bashkia e Tiranës vetëm në këto 6 muajt e fundit.
Kujtim Qefalia, një prej eksponentëve kryesorë të PartisëSocialiste në Tiranë, krijoi shoqërinë “Qefalia” në vitin 1999. Nëvitin 2004, kohë kur ai drejtonte komunën Dajt, ai e riemërton kompaninë, duke e quajtur “Vllaznimi”.
Në vitin 2007, për shkak të ligjit “Për parandalimin e konfliktit të interesave…”, ai detyrohet të heqë dorë nga pronësia e kësaj kompanie, duke ia kaluar mikut dhe bashkëpunëtorit të tij, Ylber Kalaja.
Por, ndryshimi i pronësisë nga Qefalia tek Kalaja është kryer nëmënyrë fiktive. Ky fakt konfirmohet nga një dokument i Inspektoratit të Lartë të Deklarimit e Kontrollit të Pasurive dhe Konfliktit të Interesave (ILDKPKI) i vitit 2012.
Në atë kohë, ILDKPKI e kallëzoi penalisht kryetarin e komunës Dajt, Kujtim Qefalia, për fshehje të pasurisë dhe konflikti tëinteresave. Qefalia akuzohej se kishte fshehur bashkëpronësinëme shtetasin Ylber Kalaja të një trualli 300 m2, të një dyqani, si edhe të disa llogarive bankare. Prokuroria e Tiranës vendosi tëpushonte hetimet ndaj Qefalisë.
“Boldnews.al” ka siguruar një kopje të ankimit të ILDKPKI mbi vendimin e pushimit të Prokurorisë, i cili mban datën 19.01.2012. Në atë ankim, ndër të tjera, ILDKPKI, konstatonte:
“….Subjekti Kujtim Qefalia, ka vazhduar të kryejë veprime në llogarinë e shoqërisë “Vllaznia” shpk, pranë Bankës së Bashkuar të Shqipërisë duke depozituar dhe tërhequr para në lek dhe euro në vitin 2007, 2008, 2009, ndërkohë që na rezulton që ai e ka shitur 100% të pjesëve në kapital në vitin 2007. Në vendimin e prokurorisë nuk del të jenë bërë verifikime dhe hetime të mëtejshme nëpërmjet institucioneve bankare, verifikime në Komunën Dajt dhe Agjencinë e Prokurimit Publik, mbi prokurimet publike të fituara në Komunën Dajt nga kjo shoqëri etj….”.
Bazuar në këtë dokument zyrtar, rezulton e qartë se Kujtim Qefalia nuk ka hequr dorë nga pronësia reale mbi kompaninë“Vllaznimi”, e cila në vitin 2016 e ndryshoi sërish emrin në“Dajti Park 2007”, megjithëse ajo zyrtarisht rezulton e regjistruar në emër të ortakut të tij të vjetër, Ylber Kalaja.
Kompania “Dajti Park 2007”, e drejtuar në hije nga Kujtim Qefalia, ka marrë mbi 550 milionë lekë (të vjetra) tendera nga Bashkia e Tiranës vetëm në 6-mujorin e dytë të vitit 2018.
Kompania “Dajti Park 2007” ka marrë 90 milionë lekë për ndërtimin e Urës në fshatin Bastar i Mesmës. Gjithashtu, kjo kompani ka marrë edhe rreth 450 milionë lekë për rikonstruksionin e shkollës së mesme të bashkuar, “Ymer Lala”, në Surrel. Këto tendera janë zhvilluara nga bashkia e Tiranës, e drejtuar nga Erion Veliaj.
Të dhënat për tenderin e Urës së Bastarit gjenden të publikuara në portalin informative “spendingdata.al”, nga ku rezulton që, gjatë periudhës qershor-gusht 2018, “Dajti Park 2007” ka arkëtuar plot 90 milionë lekë (të vjetra). Ndërkohë, së fundmi, në Buletinin e Prokurimit Publik është njoftuar se “Dajti Park 2007” ka fituar tenderin për rikonstruksionin e shkollës sëSurrelit.
Kompania “Dajti Park 2007”, që prej vitit 2007, rezulton të jetë në pronësi të shtetasit Ylber Kalaja, i dënuar së fundmi me 2 vjet e gjysëm burgim për korrupsion aktiv në tenderat e ushqimeve të Drejtorisë së Burgjeve.
