Partia Demokratike vijon procesin zgjedhor për ripërtëritjen e strukturave të saj, duke zgjedhur krerët e degëve. Kështu janë mbyllur votimet për krerët e e Lezhës, Vlorës dhe Shkodrës.
Në qytetin e Shkodrës mësohet se fitues ka dalë Xhevdet Amuli. Ai ka mposhtuar kreun e aktual të PD-së, Ramiz Çobaj. Amuli fitoi me 243 vota kundrejt 241 votave që mori Ramiz Çobaj, ndërsa 8 vota u shpallen te pavlefshme. Këto zgjedhje kishin si të dërguar nga Tirana, deputetin Flamur Noka, i cili është edhe përgjegjësi politik i demokratëve për këtë qark. Kjo ishte gara më e vështirë, Amuli fitoi me 2 vota diferencë, çka tregon se në PD-në e Shkodrës ka pasur jo pak përplasje brenda tyre.
Deputeti Flamur Noka ne mes te dy rivaleve Xhevdet Amuli dhe Ramiz Cobaj ne te djathte
Në Lezhë mësohet se kryetar i ri Partisë Demokratike është zgjedhur Zef Gjoka. Kandidat për kreun e kësaj dege ishte edhe Paulin Marku, i cili mori vetëm 88 vota kundrejt kundërshtarit të tij, Zef Gjoka i cili fitoi bindshëm me 306 vota. Mësohet se në procesin e votimit kanë marrë pjesë rreth 339 votues.
Zef Gjoka ka qene deputet i Partisë Demokratike në Parlamentin shqiptar, dhe peer 4 vitet e ardhshme do të drejtojë demokratët e Lezhës.
Në Vlorë, Genc Deromemaj është zgjedhur kryetari i ri i Partisë Demokratike me vetëm 12 vota diferencë ndaj Gjergj Nika. Në procesin e votimit kanë marrë pjesë vetëm 352 votues. Genc Deromemaj ka qenë kandidat i PD-së për kryetar i bashkisë Vlorë në zgjedhjet vendore të vitit 2015 nga rradhët e PD-së.
Prej ditësh në degët e PD-së po zhvillohen zgjedhjet. Kështu në Durrës është zgjedhur ish-deputeti Ferdinand Xhaferri, si dhe është konfirmuar në Andrea Mano në Korçë.
Në PD-në e Matit është zgjedhur Arjan Lika, ndërsa në Dibër është zgjedhur Naim Gazidede.
Ja disa nga të zgjedhurit e tjerë në degët e PD-së:
Në Fier është Luan Baçi; Sarandë është zgjedhur Hariz Mema, në Kamzë është zgjedhur kryebashkiaku Xhelal Mziu; në Malësi e Madhe është zgjedhur kandidati për bashkinë e Koplikut në zgjedhjet e 2015, Anton Kokaj; Në Librazhd është zgjedhur Bujar Vreto, në Maliq është zgjedhur Donald Kulla; në Belsh, Bedri Qypi; në Devoll, Arben Miza; në Këlcyrë, Luan Malko dhe në Shijak është zgjedhur Rezart Tusha.
