Ka nisur protesta e banorëve të Astirit edhe sot. Në ditën e 27-të protestës, pritet që së bashku me ata të jetë edhe kreu i PD-së, Lulzim Basha. Ndërkohë IKMT gjatë natës ka vijuar punën për shkuljen e pemëve. Të pranishëm në protestë priten të jenë edhe deputetë të tjerë të opozitës.
Banorët edhe sot kanë bllokuar rrugën në formë qëndrimi për të plotësuar kërkesën e tyre, atë të dëmshpërblimit 100 %. Protestuesit i kanë dërguar edhe një peticion Prokurores së Përkohshme të Përgjithshme, Arta Marku, në të cilën kërkonin lirimin e të arrestuarve dhe dëmshpërblim për objektet që rrezikojnë shembjen në kuadër të projektit të “Unazës së Madhe”.
“Duam shtëpitë tona, jemi gjithë për një qëllim”, janë disa nga thirrjet në kor të protestuesve sot.
