Arrestimi nga policia i portierit Alban Hoxha, teksa drejtonte mjetin në gjendje të alkolizuar nuk është pritur mirë nga trajneri i Partizanit, Skënder Gega. Në një prononcim për mediat para derbit të së premtes përballë Tiranës, Gega ka theksuar se sjella e 31-vjeçarit ishte e pahijshme dhe se kapiteni do të përballet me sanksionet e klubit.
“Gjërat kanë funksionuar mirë, por ka pasur edhe raste të veçanta që na ka penguar në ecurinë tonë. Përpara derbit do të donim që Alban Hoxha të ishte në 100%, për më tepër është edhe kapiten, por si qytetar duhet t’i marrim pak më gjerë këtë. Nuk besoj se do të luajë. Si sportist nuk duhet të ishte në atë vend në atë kohë. Ligji është për të gjithë njësoj. Çdo lojtar e di rregulloren e klubit. Ne flasim çdo ditë dhe sjellja jonë duhet të jetë e kontrolluar. E presim në stërvitje, por klubi ka ligjet dhe kriteret e veta, që Hoxha të ballafaqohet me atë që ka bërë. Kemi kriteret tona, për sjellet e pahishme. U ndodh edhe lojtarëve të mëdhenj, por nuk duhet ta sjellim si kutlurë. Si me Albanin, si me Trashin, qoftë edhe pa mua, apo presidentin në tribunë, Partizani duhet të dijë të jetë gati për derbin”, theksoi Gega.
Hoxha u arrestua te dielen prane parlamentit, ndersa te marten Gjykata e Tiranës dha masën ‘detyrim paraqitje’ për portierin, i cili është zëvendësuesi i Tomas Strakoshës dhe Etrit Berishës në Kombëtaren kuqezi.
