Një femër e dyshuar e shpallur në kërkim nga policia në jugperëndim të Kinës është konsideruar si kriminelja më e bukur e vendit, pasi fotoja e saj u bë virale në mediat sociale.
Posteri me foton e saj u publikua nga policia në qytetin e Mianyang në provincën Sichuan të martën e kaluar.
Ajo është akuzuar se është pjesë e një bande kriminale që ka mashtruar konsumatorët në bare dhe shtëpitë e çajit.
Mosha dhe profesioni i saj nuk janë konfirmuar edhe pse një ish-koleg ka thënë se ajo ishte rreth 19 vjeç
Policia filloi hetimin e bandës kur një burrë u ankua se i ishin marrë mijëra juanë – një shumë me vlerë qindra dollarë amerikanë në një bar.
Policia më vonë arriti në përfundimin se banda kishte funksionuar për të paktën një gjysmë viti dhe kishte në shënjestër njerëzit e dehur.
Pas fotos që u bë virale, llogaria e policisë në Weibo (rrjet sociale kinez) tha: “Të jesh e bukur nuk është problemi yt, por duke përdorur pamjet tuaj për të kryer krime nuk është e drejtë”.
