Kapiteni i Partizanit, Alban Hoxha është arrestuar nga policia ditën e djeshme pasi u kap duke drejtuar në gjendje të dehur automjetin tij.
Ditën e sotme pritej që ai të merrte në Gjykatë masën e sigurisë, por gjyqi u shty për ditën e nesërme në orën 10:00 duke e lënë në paraburgim edhe për 24 orë portierin e Partizanit.
Gjatë kësaj kohe në ambientet e Gjykatës është parë edhe partnerja e tij, këngëtarja Çiljeta Xhilaga. Sipas “Panorama Sport” ajo ka qënë atje si mbështetje për të dashurin e saj dhe ka hedhur poshtë të gjithë zërat për ndarjen e tyre.
