Një shqiptar është ekzekutuar nga policia greke rreth orës 18 të kësaj të enjteje (me orën lokale) në fshatin Vissani të Janinës, pranë kufirit mes dy vendeve.
Sipas raportimeve të mediave greke, efektivët e policisë së Janinës, teksa kontrollonin një grup shqiptarësh, janë qëlluar nga ata me armë zjarri. Policia është kundërpërgjigjur dhe një shqiptar ka mbetur i vdekur. Raportohet gjithastu se nje efektiv policie eshte plagosur lehte ne dore.
Shqiptaret kishin drogë me vete, shtuan të njëjtat burime. Në vendngjarje raportohet se janë gjetur rreth 100 kg kanabis dhe dy kallashnikovë, që i la grupi dhe ia mbathi për ti shpëtuar prangave.
Anëtaret e tjetër të grupit, që dyshohet se ishin 4, janë në arrati. “Jemi ne ndjekje te 4 shqiptareve”, citohen burime të policisë helene nga mediat greke.
Identiteti i viktimës nuk bëhet ende i ditur.
Policia ka rrethuar fshatin e Vissani-t ne Janine ne perpjekje per te arrestuar anetaret e tjere te grupit, qe u arratisen.
