Gjykata e Tiranës ka liruar nga burgu ish-kreun e ARRSH, Dashamir Xhika.
Pak ditë më parë për Xhikën u pushua akuza e korrupsionit në lidhje me dosjen e autostradës Tiranë-Elbasan. Ndaj tij tashmë rëndon vetëm akuza e shpërdorimit të detyrës.
Ish-kreu i Autoritetit Shqiptar të Rrugëve që vjen nga rradhet e LSI-së, u prangos mbrëmjen e 2 shkurtit 2018 me akuzën e korrupsionit dhe shpërdorimit të detyrës.
Xhika dhe 2 ish-vartësit e tij Albens Alite dhe Aksel Qorduku u akuzuan per abuzime ne ndërtimin e rrugës Tiranë-Elbasan.
“Arrestimi i Dashamir Xhikës është një goditje që bëhet për LSI-në e Elbasanit, duke pasur parasysh që struktura e LSI-së së Elbasanit është një strukturë që i doli jashtë parashikimeve Partisë Socialiste në zgjedhjet e 2017”, është shprehur më herët Monika Kryemadhi, kryetarja e LSI.
