Banorët e “Unazës së Re” protestuan sot para Parlamentit, ku në përballje me forcat e policisë janë plagosur disa qytetarë dhe efektivë.
Ina Muka është efektivja e policisë e cila ka humbur një gisht, që në këtë fazë nuk rikuperohet,sipas ortopedëve italianë që po merren me rastin e saj.
Në një foto të postuar në Facebook në faqen e “Ministrisë së Brendshme”, shihet teksa Zv. ministri i Brendshëm Sandër Lleshaj takon efektivët e policisë në Spitalin e Traumës. Efektivja në foto është ngatërruar me Ina Mukën, policen që u plagos sot.
Në rrjetet sociale dhe në disa media online i referoheshin Inës, vajzës që plagosi gishtat dhe humbi gishtin e madh.
Vajza në foto është Luljeta Osmani, një prej efektivëve që u dërguan në spital.
