Në një kohë që në seancën e Kuvendit po diskutohet projekt buxheti për vitin 2019 si dhe paketa fiskale, opozita e bashkuar e ka bojkotuar serish, ndërsa ka zhvilluar një bashkëbisedimin paralel për buxhetin 2019 me përfaqësues të biznesit, ekspertë, gazetarë e grupe interesi.
Gjatë fjalës së tij, Basha tha se rritja e borxhit dhe koncesionet kanë sjellë një faturë të tmerrshme për ekonominë dhe se buxheti i vitit 2019 është buxhet i pasurimit të oligarkëve dhe i vjedhjes.
“Opozita do bëjë publike buxhetin që vjedh dhe zhvat taksat e shqiptarëve. Dhënia e koncesioneve 10 oligarkëve. Rritja e borxhit dhe koncesionet kanë sjellë një faturë të tmerrshme për sektrorët e ekonomisë. Shqipëria ka nevojë për një buxhet realist që të ndalë largimin masiv të shqiptarëve, pasi 1 në 6 shqiptarë po largohet nga vendi. Buxheti 2019 është buxheti i vjedhjes dhe pasurimit të oligarve ”- tha Basha.
