Avokati Altin Goxhaj, i ftuar në studion e televizionit Fax News, ka folur lidhur me çështjet aktuale të vendit tonë.
Teksa falënderoi Fax News për mundësinë e dhënë për të thënë lirshëm të vërtetën, u shpreh se sapo ka mbushur një vit që fjala e tij transmetohet nga ky televizion, pasi asnjë medie tjetër nuk e ka transmetuar fjalën e tij kundër Soros. Më tej ai u shpreh se ky televizion po gjendet pranë çdo qytetari, duke u transmetuar fjalën e tyre, e rasti konkret sipas tij, është transmetimi i dy protestave, asaj të banorëve të “Astirit” apo Teatrit Kombëtar.
Duke u ndalur tek protesta e banorëve që preken nga projekti i “Unazës së Madhe” ai tha:
“Duke e vënë veten në pozicionin e banorit të “Astirit”, do të jepja deri në pikën e fundit të gjakut, për të mbrojtur pronën. Edi Rama u ka premtuar se shtëpitë nuk do të shemben por do të legalizohen, premtim ky i dhënë që në vitin 2013.”
Më tej Goxhaj u shpreh se përkundër të gjithave, prevalon interesi publik, që është prona e 350 familjeve, por që sipas tij nuk mund të legalizohet prona e tyre pa ndryshuar ligjin.
Goxhaj, u shpreh se me projektin e “Unazëz së Madhe” po ndodh e njëjta gjë që ka ndodhur në Korçë, nga Niko Peleshi dhe Sotiraq Filo, të cilët duke bërë trotuaret më të gjera prishën banesat e qytetarëve. Sipas tij, në këtë projekt parashikohen trotuaret më të gjera në të gjithë Shqipërinë.
Më tej ai akzuzoi Soros-in për hartimin e axhendës ekonomike të PPP-ve të qeverisë.
Goxhaj u shpreh se opozita duhet të çojë në Kuvend dy projektligjet e hartuara nga ai dhe studioja ligjore “Aga & Goxhaj Law Firm”, pasi me anë të tij, do t’i hapet rrugë zgjidhjes së problemit të qytetarëve të “Astirit” dhe jo vetëm.
Avokati, u shpreh se legjislacioni shqiptar parashikon që qeveria është ajo që bën shpronësimet, ndërsa i bëri thirrje opozitës që të depozitojë në Kuvend dy projektligjet e hartuara, “Aga & Goxhaj Law Firm”.
