Juria e panairit të 21-të të Librit “Tirana 2018”, e nderoi me çmimin e Karrierës shkrimtarin Kim Mehmetin, për romanin “Pusi”.
Vetë shkrimtari, njëkohësisht edhe një kritik ithekur i klasave politike në “shqipëritë tona” në një intervistë për ‘Fax News’ ka thënë se nuk i përket atyre shkrimtarëve që mendon se “këtu nuk lexohet”, por shtoi se edhe leximi është një art në vete. Ai tha se edhe kur i ishte propozuar për t’i botuar veprat e tij, i kishte thënë botuesit se kishte vetëm një kusht, që të kishte sa më pak vëllime, pasi sipas tij “një shkrimtarë i mirë mund ta shprehë zërin e vetë edhe në tre libra. Këtu janë 24 libra të mi”.
“Kur shkruaj është momenti kur unë jam unë, jam unë ai që sundoj, ai që di gjitha të vërtetat , ajo është bota ime krijuese”, tha Memeti, duke shtuar se në botën krijuese jeton ashtu siç do, ndryshe nga bota reale kur duhet realiteti të servir diçka tjetër që duhet të përballesh”, tha ai.
Por Kim Memeti nuk u ndal vetëm tek letërsia, si një kritikues i elitave politike në hapësirën shqiptare, ai komentoi edhe gjendjen e shqiptarëve në trevat tona.
Ai u shpreh se ne do të bënim mirë që ta shikonim veten në pasqyrë pa maska ashtu siç jemi dhe të kuptonim kapacitet tona.
“Do të na bënte mirë qa sa jemi në kohë, të shihemi në pasqyrë dhe të mos shohim maskën por fytyrën e vërtetë. Jemi një popull që tani duhet të përcaktojmë perafërsisht tani potencialin tonë në të gjitha gjërave sa u përket elitave se kam frikë se na ikën koha, nganjëherë unë kur dua të jem kritik them që ‘Shqipëritë tona’ janë bërë skena për budallenj që pretendojnë se janë më të rëndësishmit e popullit, u bënë skena ku shumë patriot të vetëshpallur mendojnë se janë vlera e popullit, sa më shumë kemi të tillë aq më keq e ka populli. Unë kam thënë që kemi një kryeministër që është bërë si Linda Morina e politikës shqiptare që i kushton më shumë rëndësi spektaklit, se çfarë pantollonash duhet të veshë për të dalë në media, por shqiptarët nuk e kanë votuar për këtë, e kanë votuar për kryeministër’, tha Memeti.
Sipas tij Tirana duhet të shërbejë si qendra kordinuese për shqiptarët pasi këtë përgjegjësi nuk mund ta mbajnë 700 mijë shqiptarët në Maqedoni.
“Nuk janë boshti i shqiptarisë shqiptarët e Maqedonisë, nuk mund të na e ngarkoni atë përgjegjësi, është Tirana. Kam frikë se neve ka filluar të na pëlqejë të jetojmë në këto principata. Ndoshta problemi ynë është se kemi filluar të kemi shumë baballarë të kombit.
Nëse e krahasoj me kohën e Enverit dhe socializmit është mrekulli, por unë e krahasoj me atë të mundshmen dhe atë më të mirën që mund të arrijmë”, deklaroi ai.
Shkrimtari u ndal edhe tek kryeministri Rama, ku u shpreh se populli duhet ta kritikojë atë dhe jo ai popullin, por shtoi se ai kishte përshtypjen se populli po frikësohej nga kryeministri i Shqipërisë.
“Unë jam për ta kritikuar kryeministrin dhe jo ai mua, që kur e kam votuar e kam këtë të drejtë, ndonjëherë kam përshtypjen që shqiptarët kanë filluar të frikësohen nga kryeministri i Shqipërisë, dhe e dini pse? Se ai një ditë del na shanë të gjithëve, gjithë popullin, dhe se si ka nisur puna thua ti kur do çohet ky ndonjë ditë dhe do të thotë “ky popull i këtillë, i atillë”, unë uroj që secili këtu të ulet në vendin për të cilin ka biletë. Ne duhet të fillojmë të ulemi çdo njëri në vendin e vet”, u shpreh Kim memeti.
Ai u ndal edhe tek arratisja e ish-kryeminsitrit maqedonas Nikolla Gruevski, për të cilin tha se ai nuk do të kishte mundur të largohej pa pasur “besën e shqiptarëve të Maqedonisë dhe Shqipërisë se nuk do t’i ndodhte asgjë”.
“Ai e ka kuptuar se shqiptari e shkel vetveten për të shpëtuar të huajin se shqiptarit i pëlqen shumë kur e lavdërojnë të huajt”, shtoi ai.
