Policia e Elbasanit ka njoftuar se ka një viktimë në gjendje të rëndë nga shpërthimi i një granate në një lokal në lagjen Partizani të Elbasanit.
I plagosuri është pronari i lokalit, 32-vjeçari me iniciale A.A. Saktësohet se granata e dorës “është hedhur”.
Njoftimi zyrtar:
Në orët e para të mëngjesit në lagjen “Partizani”, Elbasan në ambjentet e një lokali është hedhur një granate dore e cila ka shpërthyer, dhe për pasojë është dëmtuar pronari i lokalit shtetasi A.A., rreth 32 vjeç, i cili ndodhej në lokal në ato momente.
I dëmtuari është transportuar në Spitalin e Elbasanit në gjendje të rëndë.
Grupi hetimor ndodhet në vendngjarje dhe po punon për, zbardhjen e rrethanave të ngjarjes si dhe identifikimin e kapjen e autorit/ve.
