Pas firmosjes së dekretit nga presidenti Meta për lirimin e Sandër Lleshit nga statusi i ushatarakut, vendim ky që i hap rrugë dekretimit të tij, si ministër i Brendshëm, bëhet e ditur se presidenti po zhvillon një takim me kryetarin e Kuvendit Gramoz Ruçi.
Kryetari i Kuvendit Gramoz Ruçi mësohet se po zhvillon një takim kokë më kokë me presidentin Ilir Meta për këtë çështje tek hotel Tirana.
Sot është afati i fundit për dekretimin e Sandër Lleshajt si Ministër i Brendshëm nga ana e presidentit Ilir Meta.
Bllokimi i Lleshit ka nxjerrë në skenë ditët e fundit një sërë replikash në distancë mes Ramës dhe Metës, por duket se presidenti tashmë ka marrë përgjigjet e duhura nga institucionet.
Kjo është hera e dytë që kryeministri Edi Rama çon për dekretim emrin e Lleshajt dhe më herët Meta kishte thënë se do të respektonte afatin e përcaktuar në Kushtetutë.
Ndërkohë, një ditë më parë Presidenti i deklaroi se e njeh shumë mirë Kushtetutën e vendit në lidhje me dekretimin e ministrave dhe asnjë lloj presioni nuk mund të ndikojë tek ai për të shkelur Kushtetutën.
