Një aksident i rëndë ka ndodhur gjatë natës në zonën e Lezhës, ndërsa ka humbur jetën një person.
Burime nga policia kanë bërë të ditur se, Tonin Ndreca po udhëtonte me makinën e tij, të cilën e kishte mbushur me drogë.
Duke ecur me shpejtësi me qëllim që të mos kapej, Ndreca në zonën e Kalivaçit mësohet se ka humbur kontrollin e mjetit dhe ka dalë jashtë rruge.
Si pasojë ai ka humbur jetën.
Policia ka gjetur në makinë 80 kilogramë kanabis sativa.
Policia e Mirditës/ Informacion paraprak:
Në rrugën rurale që lidh fshatrat Kaçinar- Mirditë – Kaluer në Lezhë, në një terren të theksuar malor, shtetasi T.N. 34 vjeç, banues në Mirditë, duke drejtuar mjetin e tij tip “Benz”, ka humbur kontrollin e mjetit duke rënë poshtë urës ku ka humbur jetën.
Në mjet ndodhej vetëm drejtuesi.
Nga kqyrja e mjetit, është gjetur dhe sekuestruar një sasi lënde e dyshuar narkotike cannabis sattiva.
Grupi hetimor nën drejtimin e Prokurorisë vazhdojnë hetimet për zbardhjen e plotë të ngjarjes.
