Një shkëndijë elektrike dyshohet se është shkaku për zjarrin që përfshiu mëngjesin e së martës papafingon e një hoteli në Sarandë.
Kati i fundit hotelit shërbente si banesë e familjes që zotëron hotelin, dhe sipas burimeve aty u dogj edhe një shumë e konsiderueshme parash.
Fatmirësisht nuk pati të lënduar, por dëmet materiale janë të mëdha
“Po vlersojme demet dhe shkaqet. Paraprakisht dyshohet se shkak ishte një shkendijë elektrike”
Ngjarja u regjistrua në orët e para të mëngjesit duke krijuar panik mes klientëve e banorëve të zonës.
Ndërhyrja e zjarrfikësve shmangu përhapjen e zjarrit në katet e tjera të hotelit por edhe në banesa të tjera aty pranë.
(Në foto: hoteli i përfshirë nga flakët)
