Për shkak të ngarkesës së lartë të trafikut të mjeteve në aksin rrugor Kamëz- Fushë Krujë – Kurbin, forcat policore po kontrollojnë dhe po kryejnë rregullim trafiku.
Me qëllim garantimin e rrjedhshmërisë së trafikut, shërbimet e Policisë kanë synuar evitimin e parakalimeve të gabuara të mjeteve të drejtuesve, të cilët shmangen nga rreshti dhe kolona e mjeteve duke u bërë shkak për bllokime dhe vonesa.
Si rezultat i monitorimit me dron, janë konstatuar 32 drejtues mjetesh për të cilët është proceduar me vendosjen e gjobës për parakalim të gabuar dhe me pezullim të lejes së qarkullimit.
Drejtoria e Policisë Rrugore apelon për respektim të rregullave të qarkullimit, patrullat e Policisë Rrugore do vijojnë kontrollet me të gjitha mjetet logjistike që kanë në përdorim , me qëllimin e vetëm, rritjen e sigurisë së jetës në rrugë.
