Videoja e një murgeshe në linjën metropolitane të Romës ka bërë xhiron e rrjetit. Murgesha në vend që të blinte një biletë dhe ta vuloste rregullisht në hyrje të metrosë, ka kaluar e papenguar nga dalja.
Ngjarja në fjalë ka ndodhur më 9 nëntor dhe vetëm sot është publikuar gjerësisht në mediat italiane. Murgesha e anashkaloi me sukses stacionin e Piramidës, askush nuk e ndaloi atë, as udhëtarët e tjerë dhe as personeli i cili siç shkruajnë mediat italiane mungonte atë ditë. Fakti që hileja është përdorur nga një murgeshë, ka bërë që videoja të komentohet gjerësisht në rrjet.
