Sulmohen me armë zjarri dy shqiptarë në Athinë, por fatmirësisht nuk janë lënduar asnjëri prej tyre. Sipas mediave greke, ngjarja ka ndodhur në Ambelokipi të Athinës, në kryqëzimin e rrugëve Sinope dhe Michalakopoulou, ndërsa dy shqiptarët po qarkullonin me një makinë ngjyrë të bardhë.
Ndaj tyre është qëlluar me armë zjarri nga dy persona që udhëtonin me një motor dhe të kamufluar me kaskë në kokë. Ky detaj ka bërë që autorët të mos identifikohen ende.
Nuk dihet ende shkaku i sulmit me armë ndaj tyre në Athinë, ndërsa sipas mediave greke njëri prej shqiptarëve të sulmuar është pronar i një lokali në Liosia.
