“Në vendin tim në vendin tënd, një i çmendur të gjithë i çmend”, janë pikërisht këto vargje të të madhit Dritëro Agolli, të cilët i shkojnë sot për shtat kryeministrit Edi Rama, pasi sheh dhe dëgjon videon me fjalorin e neveritshëm të përdorur prej tij, te rubrika “Përgjigjia ime” në Facebook.
E nëse deri dje kishim dyshime nëse është i çmendur apo jo, pasi të shihni këtë video nuk do të keni më asnjë dyshim, dhe për të gjithë ithtarët e tij, i vetmi justifikim do të ishte ‘mos ja vini re, ka qenë i dehur, ose në rastin më të keq në overdozë. Reflektohet te sytë e nxirë dhe sjellja agresive ndaj komentit të një prej ndjekësve të tij në Facebook i quajtur Kadri Veseli.
Në këtë video fjalori dhe gjuha e përdorur nga Edi Rama, do t’i shkonte për shtat vetëm një pijaneci pas dopios së gjatë, pasi një njeri normal, i lexuar dhe aq më tepër kryetar qeverie, jo vetëm që nuk do të fliste me këtë gjuhë, por përkundrazi do ta dënonte dhe neveriste fjalorin e përdorur.
Shihni mënyrën se si Rama komunikon me shqiptarët virtualisht, për të kuptuar se sa rëndë është gjendja në vend sot.
Dhe pjesa që e ka tërbuar më tepër siç duket ka qenë alarmi i dhënë nga komentuesi për kriminalitetin, aq sa e ka bërë këtë vend të pajetueshëm. Por Rama ka një përgjigje tjetër. Sipas tij, nga anketat e PS ka rezultuar se vetëm 3% e shqiptarëve janë të shqetësuar nga situata kriminale. Pra, sipas tij problemi nuk ekziston…
