Rusia nuk e njeh ekzistencën e Republikës së Kosovës, por kjo nuk e ka penguar Moskën që të nisë investimet në një prej sektorëve strategjikë në vend, atë të naftës. Kompanitë ruse kanë nisur investimet në sektorin e naftës dhe kjo është bërë e ditur nga naftëtarët gjatë takimit me përfaqësuesit e qeverisë kosovare.
Kryetari i Shoqatës së Naftëtarëve Fadil Berjani e ngriti me shqetësim hyrjen e rusëve në këtë industri, por nuk dha më shumë detaje për çështjen.
Rusia nuk ka bërë asnjë lëvizje për ndryshimin e qëndrimit kundërshtues ndaj Republikës së Kosovës, përjashto përshëndetjen e presidentit Hashim Thaçi me kryeministrin Dimitry Medvedev, më 9-korrik të këtij viti në Ankara, gjatë ceremonisë së betimit të presidentit turk Rexhep Taip Erdogan.
