“Ne duhet të kemi sërish libra të mirë. Nëse shkon në shtëpinë e dikujt që s’ka libra, mos u q* me të. Mos e lejo atë të të eksplorojë ty para se të eksplorojë universet sekrete të librit” , shkruante në një status të sajin pak ditë më parë Kumbaro me rastin e një fushate kombëtare sensibilizuese për leximin e librave.
Histerisë në rrjet pas kësaj thënie të kopjuar të ministres së Kulturës, Mirela Kumbaro, i është bashkuar edhe ish-deputeti rilindas, Eduard Ndocaj. Kaubojsi i ngazëllyer si adoleshent nëpërmjet një statusi dhe disa fotomontazheve shpreh merakun e vjetër dhe dëshirën që ende ka, që edhe ai të “lexojë” me gratë eksponente të Rilindjes, ministret Mirela Kumbaro e Ota Xhaçka, por pa harruar Elisa Spiropalin.
Thënia e mësipërme është marrë nga mesazhi i një regjizori të njohur, i cili me një gjuhë të drejtpërdrejtë kërkonte sensibilizimin e mbarë botës, për të lexuar sa më shumë. Dhe në atë kohë, John Samuel Waters, në fakt ja arriti qëllimit sepse vulgariteti i tij u kuptua, se përdorej për një qëllim fisnik siç është libri.
Por këshilltarët e Kumbaros, apo jo vetë, duke dashur që të tregohen “origjinalë” nuk e kanë cituar shkrimtarin, duke e lënë shprehjen e fortë në gojë të ministres sonë të Kulturës dhe si gjetje të saj, duke stonuar aq keq, sa që u detyrua që të japë më pas një shpjegim.
Ky “keqkuptim” ngjalli revoltë, por më shumë u kthye në rrjet një sebep humori, deri në vulgar.
Këtyre të fundit u është bashkuar edhe ish-deputeti i Rilindjes, i “flakur” prej Ramës në zgjedhjet e kaluara, i cili nuk lë rast pa u `hakmarrë`. Këtë herë ai shpreh dëshirën dhe vullnetin, që të lexojë “fortë” së bashku me disa nga gratë më simpatike të Rilindjes.
“Dua te lexoj edhe un me ministren Kumbaro , me ministren Gjaqka dhe Spiropalin”, shkruan ish-deputeti i Ramës.
