Ende asnjë autor i identifikuar apo i dyshuar për ekzekutimin e tipit mafioz të Edison Harizajt mbrëmjen e së martës, në zonën e unazës së plazhit, në Durrës.
Përveç 39-vjeçarit të vrarë Edison Harizaj nga Vlora, në këtë atentat mbeti i plagosur edhe Genci Caca, 33 vjeç, edhe ky nga Vlora.
Viktima Harizaj është pronar i kompleksit “Oslo” në Vlorë dhe njihet si person me precedentë penalë dhe ka qenë i dënuar nga drejtësia shqiptare për një vrasje dhe plagosje në vitin 1999 në Vlorë. Emri i Harizajt ka dalë disa herë gjatë hetimeve për zbardhjen e ngjarjeve të rënda kriminale, përfshirë vrasjen e gjyqtarit Skerdilajd Konomi, apo zhdukjen e Albano Xhaferrit në Vlorë, si dhe vendosje gjobash ndaj biznesmenëve të ndryshëm në vend, por asnjëherë nuk u ndalua për to.
Ai njihet si mik i Emiljano Shullazit dhe në vitin 2012 të dy janë ndaluar nga policia, ku u gjetën me armë pa leje.
