Një atak kardiak ka detyruar një prej aktorëve më të njohur të humorit shqiptar, shkodrani Besnik Cinari të shtrohet me urgjencë në spital. Është gazetari sportiv Dëfrim Methasani, ai i cili ka bërë të ditur lajmin, pasi i ka bërë një vizitë në spital aktorit.
Defrimi ka publikuar një fotografi në profilin e tij në rrjetet sociale, ku nëpërmjet fjalëve të ndjera ju bën apel për ndihmë të gjithë njerëzve.
“Përshëndetje miq. Isha mësuar ta shoh në skenë dhe në ekran, ta takoj në kafe, apo evente. Por ndjeva dhimbje sot tek e takova në reaminacionin e pavionit të kardiologjisë. Ju gjenda me aq sa munda, por humoristi dhe artisti shkodran, Besnik Çinari ka nevojë për më shumë. Ndaj ju ftoj ta mbështesim, kush mundet dhe sa mundet. Të shkuara mjeshtër”, ka shkruar gazetari.
Ju kujtojmë se vetëm pak ditë më parë në Teatrin “Migjeni” të qytetin e Shkodrës u mbajt premiera e “Humor me Shkollë të Mesme”, ku Besnik Çinari ishte regjisor dhe aktori kryesor i shfaqjes.
